Top Stories

Search here...

News

ଚଳନ୍ତା ଅଟୋରୁ ମେଡିକାଲ ଛାତ୍ରୀଙ୍କ ଠୁ ମୋବାଇଲ ଝାମ୍ପିନେଲେ ଲୁଟେରା

Posted On - 2 weeks ago
Edited By Team BbsrReporters
LAST UPDATED Apr 21, 2021 12:06 AM

ଅଟୋରେ ବସି ରସୁଲଗଡ ଓଭର ବ୍ରିଜ ଉପରେ ଯାଉଥିବା ସମୟରେ ଏକ ନମ୍ବର ବିହୀନ ବାଇକ ଆସି ଦୁଇ ଲୁଟେରା ତାଙ୍କ ମୋବାଇଲ ଝାମ୍ପି ନେଇଥିବା ଛାତ୍ରୀ ଜଣଙ୍କ ଅଭିଯୋଗ କରିଛନ୍ତି । 

 

BBSR Reporters

 

ଭୁବନେଶ୍ୱର: ଭୁବନେଶ୍ୱରର ଏକ ଘରୋଇ ମେଡିକାଲ କଲେଜରେ ପଢୁଥିବା ଜଣେ ଛାତ୍ରୀଙ୍କ ନିକଟରୁ ମୋବାଇଲ ଲୁଟ ହୋଇଛି । ଛାତ୍ରି ଜଣଙ୍କ ଅଟୋରେ ବସି ଯାଉଥିବା ବେଳେ ଲୁାଟେରାମାନେ ତାଙ୍କ ମୋବାଇଲ ଝାମ୍ପି ନେଇଛନ୍ତି  । ଏନେଇଛାତ୍ରୀ ଜଣଙ୍କ ସୋମବାର ମଞ୍ଚେଶ୍ୱର ଥାନାରେ ଅଭିଯୋଗ କରିଛନ୍ତି  । ଅଭିଯୋଗ ଆଧାରରେ ପୁଲିସ ଏକ ମାମଲା ରୁଜୁ କରି ଦ୍ନ୍ ଆରମ୍ଭ କିଛି । ଅଭିଯୋଗ କରିଥିବା ଛାତ୍ରୀ ଜଣଙ୍କ ହେଉଛନ୍ତି କୋରାପୁଟ ଜିଲା ଦାମନଜୋଡି ଅଞ୍ଚଳର ସିମ୍ରନ ଲାକ୍ରା  । ସେ ଏଠାରେ ଏକ ଘରୋଇ ମେଡିକାଲ କଲେଜରେ ପାଠ ପଢୁଛନ୍ତି ।


 ସିମ୍ରନଙ୍କ କହିବା ମୁତାବକ, ସେ କୌଣସି ଏକ କାମରେ କଳିଙ୍ଗ ନଗରରୁ ଏକ ଅଟୋ ବୁକ କରି ରସୁଲଗଡ଼ ଆସୁଥିଲେ  । ଅଟୋରେ ବସି ରସୁଲଗଡ ଓଭର ବ୍ରିଜ ଉପରେ ଯାଉଥିବା ସମୟରେ ଏକ ନମ୍ବର ବିହୀନ ବାଇକ ସେ ଆସୁଥିବା ଅଟୋକୁ ଫଲୋ କରିଥିଲା  ।  ସେ ମୋବାଇଲ ଧରି ବସିଥିବା ବେଳେ ବାଇକ ପଛରେ ବସିଥିବା ଜଣେ ଯୁବକ ତାଙ୍କଠୁ ମୋବାଇଲ ଝାମ୍ପିନେଇ ଫେରାର ହୋଇଯାଇଥିଲେ । ଅଟୋରେ ସେମାନେ ବାଇକର ପିଛା କରିଥିଲେ ମଧ୍ୟ ସେମାାନେ ଫେରାର ହୋଇଯିବାରେ ସକ୍ଷମ ହୋଇଥିଲେ । ଶେଷରେ ଅଟୋ ଚାଳକଙ୍କ ସହ ଆସି ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ ।

Related News