Top Stories

Search here...

News

ବିଶ୍ୱକପ ପାଇଁ ଟିମ ଇଣ୍ଡିଆର ‘ବିଲିୟନ ଚିୟର୍ସ ଜର୍ସି’ 

Posted On - 1 week ago
Edited By Team BbsrReporters
LAST UPDATED Oct 22, 2021 06:22 AM

ଲଞ୍ଚ ହେଲା ଟିମ ଇଣ୍ଡିଆର ନୂଆ ଜର୍ସି l ଏହି ନୂଆ ଜର୍ସିର ନାଁ ‘ବିଲିୟନ ଚିୟର୍ସ ଜର୍ସି’ ରଖାଯାଇଛି ।

 

BBSR Reporters

 

ନୂଆଦିଲ୍ଲୀ:  ଆସନ୍ତା ୧୭ ତାରିଖରୁ ଆରମ୍ଭ ହେବାକୁ ଥିବା ଟି-୨୦ ବିଶ୍ୱକପ ପାଇଁ ଆଜି ବିସିସିଆଇ ଟିମ ଇଣ୍ଡିଆର ନୂଆ ଜର୍ସି ପ୍ରସ୍ତୁତ ହେଇସାରିଛି  l  ଏହି ନୂଆ ଜର୍ସିର ନାଁ ‘ବିଲିୟନ ଚିୟର୍ସ ଜର୍ସି’ ରଖାଯାଇଛି। ଏହି ଜର୍ସିକୁ ଏମପିଏଲ ସ୍ପୋର୍ଟସ ପକ୍ଷରୁ ଲଞ୍ଚ କରାଯାଇଛି।

 

 

ବିସିସିଆଇ ପକ୍ଷରୁ ଇନଷ୍ଟାଗ୍ରାମରେ ନୂଆ ଜର୍ସିର ଫଟୋ ସାର୍ବଜନୀନ କରାଯାଇଛି। ନୂଆ ଜର୍ସିକୁ ରୋହିତ ଶର୍ମା, ବିରାଟ କୋହଲି ଯଶପ୍ରୀତ ବୁମ୍ରା, କେଏଲ ରାହୁଲ ଓ ରବୀନ୍ଦ୍ର ଜାଡେଜା ପରିଧାନ କରି ଫଟୋ ପୋଜ ଦେଇଛନ୍ତି। ବିସିସିଆଇ ଏହି ଫଟୋକୁ ଇନଷ୍ଟାରେ ପୋଷ୍ଟ କରିଛି।

 

 

୨୦୨୩ ଡିସେମ୍ବର ଯାଏ ଏମପିଏଲ ହିଁ ଟିମ ଇଣ୍ଡିଆର କିଟ୍‌ ପାର୍ଟନର ରହିଛି। ଏହି ନୂଆ ଜର୍ସି ପୂର୍ବରୁ ଥିବା ନେଭି ବ୍ଲ୍ୟୁ ରେଟ୍ରୋର ସ୍ଥାନ ନେବ। ଉକ୍ତ ଜର୍ସିଟି ୧୯୯୨ ବିଶ୍ୱକପ ଢାଞ୍ଚାରେ ତିଆରି କରାଯାଇଥିଲା। ଟିମ ଇଣ୍ଡିଆ ଗତବର୍ଷ ନଭେମ୍ବରରୁ ଏହି ଜର୍ସିକୁ ବ୍ୟବହାର କରୁଥିଲା।

 

 

ବିଶ୍ୱକପର ମୁଖ୍ୟ ମ୍ୟାଚ୍‌ ପୂର୍ବରୁ ଦଳ ଅକ୍ଟୋବର ୧୮ ରେ ଇଂଲଣ୍ଡ ଓ ୨୦ରେ ଅଷ୍ଟ୍ରେଲିଆ ସହ ଅଭ୍ୟାସ ମ୍ୟାଚ୍‌ ଖେଳିବ। ଏହି ମ୍ୟାଚ୍‌ରେ ଖେଳାଳିମାନେ ନୂଆ ଜର୍ସି ପିନ୍ଧି ପଡ଼ିଆକୁ ଓହ୍ଲାଇବେ। ସେହିପରି ଟି-୨୦ ବିଶ୍ୱକପ ଅଭିଯାନ ଟିମ ଇଣ୍ଡିଆ ଚୀର ପ୍ରତିଦ୍ୱନ୍ଦ୍ୱୀ ପାକିସ୍ତାନ ବିପକ୍ଷରେ ଆରମ୍ଭ କରିବ। ଏହି ମ୍ୟାଚ୍‌ଟି ଅକ୍ଟୋବର ୨୪ରେ ଖେଳାଯିବ।

Related News