Top Stories
Search here...
News
ହାତୀ ଉପରେ ବସି କନ୍ୟାଘରକୁ ଯିବା ପଡିଲା ମହଙ୍ଗା: ବର ସମେତ ବରଯାତ୍ରୀଙ୍କ ଛତ୍ରଭଙ୍ଗ
Posted On - 1 hour ago
ବାଣ ଫୁଟିବାରୁ ବିବାହ ମଣ୍ଡପରେ ହାତୀ ଉତ୍ପାତ , ଭାଙ୍ଗିଲା ଏକାଧିକ ବାଇକ୍ ଓ କାର୍ ।
BBSR Reporters
ପ୍ରୟାଗରାଜ: ବିବାହ ପାଇଁ ହାତୀ ଉପରେ ବସି କନ୍ୟାଘରକୁ ଯିବା ଘଟଣା ଜଣେ ଯୁବକଙ୍କୁ ମହଙ୍ଗା ପଡିଛି । ଉତ୍ତରପ୍ରଦେଶର ପ୍ରୟାଗରାଜ ଜିଲ୍ଲା ଅନ୍ତର୍ଗତ ଅମଲାପୁର ଗ୍ରାମରେ ଶୁକ୍ରବାର ଏକ ବିବାହ ଉତ୍ସବ ଅନୁଷ୍ଠିତ ହୋଇଥିଲା । ଆନନ୍ଦ ତ୍ରିପାଠୀ ନାମକ ଏହି ଯୁବକ ବରବେଶରେ ହାତୀ ଉପରେ ବସି ବରଯାତ୍ରୀଙ୍କ ଗହଣରେ କନ୍ୟାଘରେ ପହଞ୍ଚିଥିଲେ । ସେପର୍ଯ୍ୟନ୍ତ ସବୁ କିଛି ଠିକ୍ଠାକ୍ ଥିଲା ।
ତେବେ କନ୍ୟାଘର ସମ୍ମୁଖରେ ବରପକ୍ଷର କେତେକ ଲୋକ ବାଣ ଫୁଟାଇବାରୁ ହାତୀଟି ଉତ୍ତ୍ୟକ୍ତ ହୋଇପଡିଥିଲା । ରାଗରେ ହାତୀଟି ବିବାହ ମଣ୍ଡପକୁ ଛିନ୍ଛତ୍ର କରିଥିବାବେଳେ ସେଠାରେ ପାର୍କିଂ କରାଯାଇଥିବା ୪ଟି କାର୍ ଓ ୬ଟି ବାଇକ୍କୁ ଭଙ୍ଗାରୁଜା କରିଥିଲା ।
ହାତୀର ପ୍ରକୋପ ଦେଖି ସେଠାରେ କିଛି ସମୟ ପାଇଁ ଆତଙ୍କ ଖେଳିଯାଇଥିବାବେଳେ ବର ଓ ବରଯାତ୍ରୀ ଘଟଣାସ୍ଥଳରୁ ଛତ୍ରଭଙ୍ଗ ଦେଇଥିଲେ । ତେବେ ପୁଲିସ ଓ ବନବିଭାଗ କର୍ମୀ ଘଟଣାସ୍ଥଳରେ ପହଞ୍ଚି ସ୍ଥିତିକୁ ନିୟନ୍ତ୍ରଣ କରିବାପରେ ବିବାହ କାର୍ଯ୍ୟ ସମ୍ପନ୍ନ ହୋଇଥିଲା ।
_1623564891.jpg)
_1623401758.jpg)
_1623398438.jpg)
_1623316363.jpg)