Top Stories
Search here...
News
ଜାଣନ୍ତୁ ଏସିଆର ଦ୍ୱିତୀୟ ବୃହତ କୃତ୍ରିମ ହ୍ରଦ ଜୟସମନ୍ଦ ବିଷୟରେ
Posted On - 7 minutes ago
ଉଦୟପୁରରେ ଥିବା ଏହି ହ୍ରଦ ୯ଟି ନଦୀ ଓ ୯୯ଟି ନାଳର ପାଣି ଏହି ସହ ଜଡ଼ିତ ।
BBSR Reporters
ଜୟପୁର: ଐତିହାସିକ କୀର୍ତ୍ତିରାଜୀକୁ ନେଇ ପରିଚିତ ରାଜସ୍ଥାନ ଅନେକ ପ୍ରାକୃତିକ ଶୋଭାରାଜି । ରାଜସ୍ଥାନରେ ଉଦୟପୁରକୁ ହ୍ରଦର ସହର କୁହାଯାଉଥିବା ବେଳେ ଏଠାରେ ଏକ କୃତ୍ରିମ ହ୍ରଦ ରହିଛି । ଉଦୟପୁର ଜିଲ୍ଲା ମୁଖ୍ୟାଳୟରୁ ପ୍ରାୟ ୪୮ କିମି ଦୂରରେ ଥିବା ଏସିଆର ଏହି ଦ୍ୱିତୀୟ ସର୍ବବୃହତ ହ୍ରଦ ହେଉଛି ଜୟସମନ୍ଦ ଲେକ୍ । ଏହା ଢେବର ହ୍ରଦ ନାମରେ ବି ସୁପରିଚିତ । ୧୬୮୭ରୁ ୧୬୯୧ ମଧ୍ୟରେ ତିଆରି କରାଯାଇଥିଲା ଢେବର ହ୍ରଦ ।
ବର୍ଷା ଦିନେ ଏହି ହ୍ରଦର ପାଣି ଆରବ ସାଗରକୁ ଯାଏ । ଏହି ହ୍ରଦର ମୂଳ ନାମ ହେଉଛି ଢେବର । ଦୁଇଟି ପାହାଡ଼ ମଧ୍ୟରେ ଥିବା ଖାଲିସ୍ଥାନକୁ ଯୋଡ଼ି ଏହି ହ୍ରଦ ତିଆରି କରାଯାଇଛି । ମହାରାଜା ଜୟସିଂହ ଏହି ହ୍ରଦର ନିର୍ମାଣ କରିଥିବାରୁ ପରବର୍ତ୍ତୀ ସମୟରେ ତାଙ୍କରି ନାମରେ ଏହାର ଜୟସମନ୍ଦ ନାମରେ ହେଲା ପରିଚିତ । ମିଠାପାଣିରେ ଭରପୁର ଏହି ହ୍ରଦରେ ରହିଛି ୭ଟି ଟାପୁ । ଢେବର ହ୍ରଦ ୩୬ ବର୍ଗ କିଲୋମିଟର ଅଞ୍ଚଳରେ ପ୍ରସାରିତ । ଏହା ୧୪ କିମି ପର୍ଯ୍ୟନ୍ତ ଲମ୍ବା ହୋଇଥିବା ବେଳେ ୯ କିମି ଚଉଡ଼ା । ୯ଟି ନଦୀ ଓ ୯୯ଟି ନାଳର ପାଣି ଏହି ବୃହତ ହ୍ରଦ ସହ ଜଡ଼ିତ ।
ହ୍ରଦ ଉପରେ ତିଆରି ହୋଇଥିବା ବନ୍ଧ ହେଉଛି ପ୍ରମୁଖ ଆକର୍ଷଣର କେନ୍ଦ୍ରବିନ୍ଦୁ । ବନ୍ଧ ଉପରେ ତିଆରି ହୋଇଥିବ ଛତା ପର୍ଯ୍ୟଟକଙ୍କ ମନ ମୋହୁଛି । ଢେବର ହ୍ରଦରେ ବହୁ ଚଳଚ୍ଚିତ୍ର ମଧ୍ୟ ସୁଟିଂ ହୋଇ ସାରିଛି । ଦକ୍ଷିଣରେ ଥିବା ପାହାଡ଼ ଉପରେ ମହାରାଣା ଫତେହ ସିଂହ ନିର୍ମାଣ କରାଇଥିଲେ ଭବ୍ୟ ମହଲ । ଏଠାରେ ତିଆରି ହୋଇଥିବା ହୱା ମହଲ ଓ ରୁଠି ରାଣୀଙ୍କ ମହଲ ଦେଶରେ ସୁପ୍ରସିଦ୍ଧ । ଜୟସମନ୍ଦ ହ୍ରଦରେ ପ୍ରତ୍ୟେକ ବର୍ଷ ଜମୁଛି ପର୍ଯ୍ୟଟକଙ୍କ ଭିଡ଼ । ଜୟମସନ୍ଦ ହ୍ରଦ ନିକଟରେ ରହିଛି ଏକ ଅଭୟାରଣ୍ୟ ।
_1621228553.jfif)