Top Stories
Search here...
News
ପୁଣି ବଢିଲା ପେଟ୍ରୋଲ ଓ ଡିଜେଲ ଦର; ସାଉଦି ଆରବକୁ ଦାୟୀ କଲେ ଧର୍ମେନ୍ଦ୍ର ପ୍ରଧାନ
Posted On - 1 day ago
ଦିଲ୍ଲୀରେ ଡିଜେଲ ଦାମ ଲିଟର ପ୍ରତି ୭୬ ଟଙ୍କା ଥିବା ବେଳେ ମୁମ୍ବାଇରେ ଲିଟର ପିଛା ୮୬ ଟଙ୍କା ଅତିକ୍ରମ କରିଛି ।
BBSR Reporters
ଦେଶରେ ହୁ ହୁ ହୋଇ ବଢ଼ି ଚାଲିଛି ପେଟ୍ରୋଲ ଓ ଡିଜେଲ ଦର । ତେବେ ପେଟ୍ରୋଲ ଓ ଡିଜେଲ ଦାମ ବୃଦ୍ଧି ସାଉଦି ଆରବ ଯୋଗୁଁ ହୋଇଛି ବୋଲି କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ଦିଲ୍ଲୀରେ ଡିଜେଲ ଦାମ ଲିଟର ପ୍ରତି ୭୬ ଟଙ୍କା ଥିବା ବେଳେ ମୁମ୍ବାଇରେ ଲିଟର ପିଛା ୮୬ ଟଙ୍କା ଅତିକ୍ରମ କରିଛି ।
ସେହିପରି ଚେନ୍ନାଇରେ ପେଟ୍ରୋଲ ଦାମ ଲିଟର ପ୍ରତି ୮୮.୦୭ ଟଙ୍କା ଓ ଡିଜେଲ ଦର ଲିଟର ପ୍ରତି ୮୦.୯୦ ଟଙ୍କାରେ ବିକ୍ରି କରାଯାଉଛି । କଲିକତାରେ ପେଟ୍ରୋଲ ଦର ୮୬.୮୭ ଲିଟର ପ୍ରତି ଥିବାବେଳେ ଡିଜେଲ ଦର ଲିଟର ପିଛା ୭୯.୨୩ ଟଙ୍କା ରହିଛି ।
ପେଟ୍ରୋଲିୟମ ମନ୍ତ୍ରୀ କହିଛନ୍ତି ଯେ, ମହାମାରୀ କରୋନା କାରଣରୁ ସାଉଦି ଆରବ ସମେତ ଅନ୍ୟ ତୈଳ ଉତ୍ପାଦନ ଦେଶଗୁଡ଼ିକରେ ଉତ୍ପାଦନ କମ୍ ହେଉଥିବାରୁ ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି । ଉତ୍ପାଦନ କମ ଯୋଗୁଁ ତେଲର ଚାହିଦା ଏବଂ ଯୋଗାଣରେ ଅସନ୍ତୁଳନ ଦେଖାଦେଇଛି ।
ତେବେ ପୂର୍ବରୁ ପେଟ୍ରୋଲ ଓ ଡିଜେଲ ଦରରେ ହୋଇଥିବା ବୃଦ୍ଧିକୁ ନେଇ ମନ୍ତ୍ରୀ କହିଛନ୍ତି ଯେ,ପ୍ରଧାନମନ୍ତ୍ରୀ ଟ୍ୟାକ୍ସରୁ ରାଜକୋଷରେ ଭର୍ତି କରୁ ନାହାଁନ୍ତି,ଗରିବ ଲୋକଙ୍କୁ ଖାଦ୍ୟ ଶସ୍ୟ ଯୋଗାଇବା ପାଇଁ ଟଙ୍କା ଦେଉଛନ୍ତି । ମହାମାରୀ କରୋନା ଯୋଗୁଁ ଅର୍ଥନୀତି ଉପରେ ଏହାର ପ୍ରଭାବ ପଡିଛି ଓ ଏହାର ଲଢେଇ ପାଇଁ ସମ୍ବଳ ଆବଶ୍ୟକ ବୋଲି ସେ କହିଛନ୍ତି ।
ସୂଚନା ଯୋଗ୍ୟ, ଏହା ପୂର୍ବରୁ ୨୦୧୮ ଅକ୍ଟୋବର ୪ ରେ ତୈଳ ଦର ବୃଦ୍ଧି ହୋଇଥିଲା । ଏହାପରେ ପେଟ୍ରୋଲ ଓ ଡିଜେଲ ଉପରେ ଏକ୍ସାଇଜ ଡ୍ୟୁଟି ୧.୫୦ ହ୍ରାସ କରିଥିଲେ । ରାଜ୍ୟଗୁଡ଼ିକରେ ମଧ୍ୟ ୧ଟଙ୍କା ହ୍ରାସ ହୋଇଥିଲା ।
Edit by: ଅନୁପମା ମଲ୍ଲିକ
_1610279739.jfif)