Top Stories
Search here...
News
ପ୍ରତିିଶ୍ରୁତି ପୂରଣ କରିବାରେ ବିଫଳ ହୋଇଛନ୍ତି ସରକାର: ରାକେଶ ଟିକାୟତ
Posted On - 3 minutes ago
ତିନି ବିବାଦୀୟ କୃଷି ଆଇନକୁ ପ୍ରତ୍ୟାହାର କରିବା ଦାବିକୁ ନେଇ ଆରମ୍ଭ ହୋଇଥିବା କୃଷକ ଆନେ୍ଦାଳନକୁ ଆଜି ବର୍ଷେ ପୁରିଥିବା ବେଳେ ଆଜି ସାରା ଦେଶରେ ବନ୍ଦ ପାଳନ ହେଉଛି ।
BBSR Reporters
ନୂଆଦିଲ୍ଲୀ: ତିନି ବିବାଦୀୟ କୃଷି ଆଇନକୁ ପ୍ରତ୍ୟାହାର କରିବା ଦାବିକୁ ନେଇ ଆରମ୍ଭ ହୋଇଥିବା କୃଷକ ଆନେ୍ଦାଳନକୁ ଆଜି ବର୍ଷେ ପୁରିଛି । ଏକବର୍ଷ ପୂର୍ତ୍ତି ଅବସରରେ ଆଜି ସଂଯୁକ୍ତ କିଷାନ୍ ମୋର୍ଚ୍ଚା ପକ୍ଷରୁ ଭାରତ ବନ୍ଦ ଡାକରା ଦେଇଥିବା ବେଳେ ସାରା ଭାରତରେ ଏହାର ପ୍ରଭାବ ପଡିଛି । ଭାରତ ବନ୍ଦ ସମୟରେ କୃଷି ଆଇନ ପ୍ରତ୍ୟାହାର ଦାବି ଆଗକୁ ଜାରି ରହିବ ବୋଲି କହିଛନ୍ତି ଭାରତୀୟ କିଷାନ୍ ୟୁନିୟନ୍’ର ନେତା ରାକେଶ ଟିକାୟତ ।
ଟିକାୟତ କହିଛନ୍ତି, ଯୋଗୀ ସରକାର ନିଜର ପ୍ରତିଶ୍ରୁତି ପୂରଣ କରିନାହାଁନ୍ତି । ଯୋଗୀ ଆଦିତ୍ୟନାଥ ପ୍ରତିଶ୍ରୁତି ଦେଇଥିଲେ କି ସେ ଆଖୁ ମୂଲ୍ୟ ୩୭୫ରୁ ୪୫୦ଟଙ୍କାକୁ ବୃଦ୍ଧି କରିବେ । ହେଲେ ସେ ଏହାକୁ ମାତ୍ର ୨୫ଟଙ୍କାକୁ ବୃଦ୍ଧି କରିଛନ୍ତି । ସେ ଚାଷୀ ସମ୍ମୁଖୀନ ହୋଇଥିବା କ୍ଷତିର ହିସାବ ଦେବା ଉଚିତ୍ । ସରକାର ସମ୍ପୂର୍ଣ୍ଣ ବିଫଳ ହୋଇଛନ୍ତି । ଫସଲଗୁଡିକ ଏମଏସପି(ସର୍ବନିମ୍ନ ସମର୍ଥନ ମୂଲ୍ୟ) ହାରରେ ବିକ୍ରି ହେଉନାହିଁ ।
ଆଜି ହରିୟାଣାର କୁରୁକ୍ଷେତ୍ର ଅନ୍ତର୍ଗତ ଶାହାବାଦ୍ରେ ପ୍ରତିବାଦକାରୀ କୃଷକମାନେ ଦିଲ୍ଲୀ-ଅମୃତସର ଜାତୀୟ ରାଜପଥ ଅବରୋଧ କରିଥିଲେ । କୃଷକମାନଙ୍କ ପ୍ରତିବାଦ ହେତୁ, ଉତ୍ତର ପ୍ରଦେଶରୁ ଦିଲ୍ଲୀର ଗାଜିପୁର ସୀମାନ୍ତକୁ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା । ଲାଲ୍ କିଲ୍ଲାର ଦୁଇଟି ‘କ୍ୟାରେଜ୍ୱେ’ ବନ୍ଦ ରହିଥିଲା । ସେହିପରି, ‘ଦିଲ୍ଲୀ ମେଟ୍ରୋ ରେଲ୍ କର୍ପୋରେସନ୍’ ପଣ୍ଡିତ ଶ୍ରୀରାମ ଶର୍ମା ମେଟ୍ରୋ ଷ୍ଟେସନ୍ର ପ୍ରବେଶ ଓ ପ୍ରସ୍ଥାନ ଫାଟକ ବନ୍ଦ ରଖାଯାଇଥିଲା ।
_1632749991.jpg)
_1632554391.jpg)
_1632451325.jfif)
_1631591228.jpg)
_1631075727.jpg)
_1630989181.jpg)
_1630470669.jfif)