Top Stories
Search here...
News
ଅବକାରୀ ଚଢ଼ାଉ: ୭୦୦ ଲିଟର ଦେଶୀ ମଦ, ୬୦୦୦ ଲିଟର ପୋଚ ଜବତ, ୧୦ ଗିରଫ
Posted On - 5 minutes ago
ସାଲିଆସାହିର ୪ଟି ବସ୍ତିରେ ଅଚାନକ ମିଳିତଭାବେ ଚଢାଉ କରି ୧୦ ଜଣଙ୍କୁ ଗିରଫ କରିବା ସହ ବହୁ ମଦ ତିଆରି ସାମଗ୍ରୀ, ୭୦୦ ଲିଟର ମଦ ଓ ୬୦୦୦ ଲିଟର ପୋଚ ଜବତ କରାଯାଇଛି ।
BBSR Reporters
ଭୁବନେଶ୍ୱର: ପୋଲିସ ଓ ଅବକାରୀ ବିଭାଗ ଟିମ ସାଲିଆସାହିରେ ବାରମ୍ବାର ଚଢ଼ାଉ ସତ୍ତ୍ୱେ ବେଆଇନ୍ ମଦ ଭାଟି ଗଢ଼ି ଚାଲିଛି । ବେପାରୀମାନେ ଜେଲ୍ରୁ ଫେରି ପୁଣି କାରବାର ଚଳାଉଛନ୍ତି । ଯାହାଫଳରେ ବସ୍ତିରେ ଅପରାଧ ଓ ଅପରାଧିଙ୍କ ସଂଖ୍ୟା ବୃଦ୍ଧି ପାଉଛି । ତେଣୁ ପୋଲିସ ଓ ଅବକାରୀ ଟିମ୍ ବାରମ୍ବାର ବସ୍ତିରେ ଚଢ଼ାଉ କରି ମଦ ଭାଟିକୁ ଭାଙ୍ଗି ଚାଲିଛି । ସେହିକ୍ରମରେ ଗତ ଦୁଇ ଦିନ ହେବ ସାଲିଆସାହିର ବିଭିନ୍ନ ବସ୍ତିରେ ମଦ ଭାଟି ଚାଲୁଥିବା ଖବର ପାଇ ସୋମବାର ଭୁବନେଶ୍ୱର ଅବକାରୀ ପୋଲିସ ସାଲିଆସାହିରେ ଚଢ଼ାଉ କରି ୪ଟି ମଦ ଭାଟିକୁ ଭାଙ୍ଗି ୧୦ ଜଣଙ୍କୁ ଗିରଫ କରିଛି । ଘଟଣା ସ୍ଥଳରୁ ବହୁ ମଦ ତିଆରି ସାମଗ୍ରୀ ଜବତ କରିବା ସହ ୭୦୦ ଲିଟର ଦେଶୀ ମଦ, ୬୦୦୦ ଲିଟର ପୋଚକୁ ଜବତ କରାଯାଇଛି ।
ସାଲିଆସାହିରେ ବାରମ୍ବାର ଚୋରା ମଦ ଭାଟି ଚାଲୁଥିବା ଖବର ଭୁବନେଶ୍ୱର ଅବକାରୀ ଥାନା ଅଧିକାରୀ ବିକାଶ ନାୟକ ଜାଣିବାକୁ ପାଇଥିଲେ । ଖବର ପାଇବା ପରେ ଭୁବନେଶ୍ୱର ଟିମ୍ ଓ କଟକ ଡ଼ିଆଇବି ଟିମ ମିଳିତଭାବେ ଅଚାନକ ଚଢ଼ାଉ କରିଥିଲେ । ସାଲିଆସାହିର ୪ଟି ବସ୍ତିରେ ଅଚାନକ ମିଳିତଭାବେ ଚଢାଉ କରି ୧୦ ଜଣଙ୍କୁ ଗିରଫ କରିବା ସହ ବହୁ ମଦ ତିଆରି ସାମଗ୍ରୀ, ୭୦୦ ଲିଟର ମଦ ଓ ୬୦୦୦ ଲିଟର ପୋଚ ଜବତ କରାଯାଇଛି । ସମସ୍ତ ଅଭିଯୁକ୍ତଙ୍କୁ ସୋମବାର କୋର୍ଟ ଚାଲାଣ କରାଯାଇଛି ।
_1636379753.jfif)
_1636377446.jfif)
_1636283201.jfif)
_1636281107.jfif)
_1636096143.jfif)
_1636009955.jfif)
_1636009695.jfif)
_1636008753.jfif)
_1636008302.jfif)
_1635920640.jfif)
_1635918698.jfif)
_1635918471.jfif)