Top Stories
Search here...
News
ଆଜି ପ୍ରବିତ୍ର ରାମ ନବମୀ; ପଢନ୍ତୁୁ ଏହି ପର୍ବକୁ ନେଇ କଣ ରହିଛି ପୌରାଣିକ କଥା
Posted On - 1 minute ago
ଭଗବାନ ବିଷ୍ଣୁଙ୍କ ଅବତାର ଭାବେ ଶ୍ରୀରାମ ଅଯୋଧ୍ୟାର ରାଜା ଦଶରଥଙ୍କ ଘରେ ଜନ୍ମଗ୍ରହଣ କରିଥିଲେ ।
BBSR Reporters
ଭୁବନେଶ୍ୱର: ଆଜି ପ୍ରବିତ୍ର ରାମ ନବମୀ । ଏହିଦିନରେ ମର୍ଯ୍ୟାଦା ପୁରୁଷ ପ୍ରଭୁ ଶ୍ରୀ ରାମଚନ୍ଦ୍ରଙ୍କ ଜନ୍ମୋତ୍ସବ ପାଳନ କରାଯାଇଥାଏ । ହିନ୍ଦୁଧର୍ମର ଓଡ଼ିଆ ବର୍ଷର ଚୈତ୍ର ମାସ ଶୁକ୍ଳପକ୍ଷର ନବମୀକୁ ରାମନବମୀ ଭାବରେ ପାଳନ କରିଥାନ୍ତି । ଏହିଦିନ ପୁନର୍ବସୁ ନକ୍ଷତ୍ର ଏବଂ କର୍କଟ ଲଗ୍ନରେ ଭଗବାନ ରାମଙ୍କର ଜନ୍ମ ହୋଇଥିଲା ।
ହିନ୍ଦୁ ଧର୍ମଶାସ୍ତ୍ର ଅନୁଯାୟୀ, ତ୍ରେତୟା ଯୁଗରେ ରଘୁକୂଳରେ ଜନ୍ମ ହୋଇଥିଲେ ପ୍ରଭୁ ଶ୍ରୀରାମ । ଭଗବାନ ବିଷ୍ଣୁଙ୍କ ଅବତାର ଭାବେ ଶ୍ରୀରାମ ଅଯୋଧ୍ୟାର ରାଜା ଦଶରଥଙ୍କ ଘରେ ଜନ୍ମଗ୍ରହଣ କରିଥିଲେ । ଶ୍ରୀରାମଙ୍କ ଜନ୍ମ ଦୁଷ୍ଟ ରାବଣର ବଦ୍ଧ ନିମନ୍ତେ ହୋଇଥିଲା । ସେଥିପାଇଁ ରାମନବମୀ ଉତ୍ସବ ଧର୍ମ, ଶକ୍ତିର ମହିମା, ଭଲ ଓ ଖରାପ ମଧ୍ୟରେ ସଂଘର୍ଷକୁ ଦର୍ଶାଇଥାଏ । ହିନ୍ଦୁମାନେ ରାମନବମୀ ଉପଲକ୍ଷେ ନଅ ଦିନ ଧରି ଭଜନ କୀର୍ତ୍ତନ, ଅଖଣ୍ଡପାଠ କରିଥାନ୍ତି । ଏଡି ଅବସରରେ ବିଶେଷକରି ରାମଚରିତମାନସ ପାଠ କରାଯାଏ । ଶ୍ରୀରାମଙ୍କ ଜନ୍ମଭୂମି ଅଯୋଦ୍ଧା ସମେତ ସାରା ଦେଶରେ ବଡ଼ ଧୁମ୍ଧାମ୍ ଜାକଜମକରେ ପାଳିତ ହୋଇଥାଏ ରାମନବମୀ ।
ଶ୍ରୀମନ୍ଦିରରେ ଶ୍ରୀରାମଙ୍କ ଜନ୍ମନୀତି ଅନୁଷ୍ଠିତ ହୋଇଥାଏ । ବ୍ରତଧାରୀମାନେ ଏହିଦିନ ଉପବାସ କରିବା ସହ ନିଷ୍ଠୋର ସହ ପୂଜାର୍ଚନା କରନ୍ତି । ସୂର୍ଯ୍ୟାସ୍ତ ପରେ ବ୍ରତ ସମାପନ କରିଥାଆନ୍ତି । ଏହି ଦିନ ପ୍ରାସାଦ ରୂପେ ଭଗବାନଙ୍କ ନିକଟରେ ପଞ୍ଚାମୃତ , ଶ୍ରୀଖଣ୍ଡ, ଖିରୀ ଓ ହାଲୁଆ ଭୋଗ ଅର୍ପଣ କରାଯାଇଥାଏ । ରାମଙ୍କ ଏହି ଜନ୍ମଦିନକୁ ଓଡ଼ିଶା ସମେତ ସାରା ଦେଶରେ ଧୁମଧାମରେ ପାଳନ କରାଯାଇଥାଏ । ଓଡ଼ିଶାରେ ବିଶେଷ କରି ଭ୍ରଦକରେ ରାମ ନବନୀ ପାଳନ କରାଯାଇଥାଏ । କିନ୍ତୁୁ ଚଳିତ ବର୍ଷ କରୋନା କଟକଣା ପାଇଁ ରାମ ନବନୀ ପାଳନ ଉପରେ ରୋକ ଲାଗିଛି । କେବଳ ନୀତିକାନ୍ତି ଅନୁଷ୍ଠି ହେବ ବୋଲି ଜାରି କରାଯାଇଥିବା କଟକଣାରେ କୁହାଯାଇଛି ।
_1617974333.jfif)
_1616390123.jfif)
_1614345690.jfif)