Top Stories
Search here...
News
ଧନୀ ରାଷ୍ଟ୍ର ତାଲିକା; ଆମେରିକାକୁ ଟପିଲା ଚୀନ
Posted On - 3 minutes ago
୨୦୦୦ ମସିହାରେ ଚୀନର ମୋଟ ସମ୍ପତ୍ତି ପରିମାଣ ମାତ୍ର ୭ ଟ୍ରିଲିୟନ ଡଲାର ଥିବାବେଳେ ୨୦୨୦ରେ ତାହା ୧୫୬ ଟ୍ରିଲିୟନ ଡଲାରକୁ ବୃଦ୍ଧି ପାଇଛି ।
BBSR Reporters
ନୂଆଦିଲ୍ଲୀ : ଧନୀ ରାଷ୍ଟ୍ର ତାଲିକାରେ ଚୀନ ଏବେ ଆମେରିକାକୁ ବି ଟପିଯାଇଛି । ମୋଟ ସଂପତ୍ତି ଦୃଷ୍ଟିରୁ ଚୀନ ଏବେ ବିଶ୍ୱର ନଂ୧ ଧନୀ ରାଷ୍ଟ୍ରରେ ପରିଣତ ହୋଇଛି । ମ୍ୟାକିନସେ ଏଣ୍ଡ କୋ’ର ଏକ ରିପୋର୍ଟ ଅନୁସାରେ ୨୦୨୦ରେ ସମଗ୍ର ବିଶ୍ୱର ମୋଟ ସମ୍ପତ୍ତି ପରିମାଣ ୫୨୦ ଟ୍ରିଲିୟନ ଡଲାରକୁ ବୃଦ୍ଧି ପାଇଛି । ୨୦୦୦ ମସିହାରେ ଏହା ୧୫୬ ଟ୍ରିଲିୟନ ଡଲାର ଥିଲା ।
ଏହି ୨୦ ବର୍ଷରେ ଚୀନର ସମ୍ପତ୍ତି ସବୁଠାରୁ ଅଧିକ ଦ୍ରୁତ ଗତିରେ ବୃଦ୍ଧି ପାଇଛି । ୨୦୦୦ ମସିହାରେ ଚୀନର ମୋଟ ସମ୍ପତ୍ତି ପରିମାଣ ମାତ୍ର ୭ ଟ୍ରିଲିୟନ ଡଲାର ଥିବାବେଳେ ୨୦୨୦ରେ ତାହା ୧୫୬ ଟ୍ରିଲିୟନ ଡଲାରକୁ ବୃଦ୍ଧି ପାଇଛି । ଅନ୍ୟପକ୍ଷରେ ଆମେରିକାର ସଂପତ୍ତି ଧୀମା ଗତିରେ ବୃଦ୍ଧି ପାଇ ୯୦ ଟ୍ରିଲିୟନ ଡଲାରରେ ପହଞ୍ଚିଛି ।
ବିଶ୍ୱର ଏହି ଦୁଇଟି ବୃହତ୍ତମ ଅର୍ଥନୀତିର ମୋଟ ସମ୍ପତ୍ତିର ଦୁଇ-ତୃତୀୟାଂଶ ୧୦ ପ୍ରତିଶତ ଧନୀ ଲୋକଙ୍କ ପାଖରେ ଠୁଳ ହୋଇ ରହିଛି । ବିଶ୍ୱର ମୋଟ ୫୨୦ ଟ୍ରିଲିୟନ ଡଲାର ମୂଲ୍ୟର ସମ୍ପତ୍ତିର ପ୍ରାୟ ୬୮ ପ୍ରତିଶତ ରିଅଲ ଇଷ୍ଟେଟରେ ରହିଛି । ଅବଶିଷ୍ଟ ସମ୍ପତ୍ତି ଭିତ୍ତିଭୂମି, ମେସିନ ଓ ଉପକରଣ ଆଦି ରୂପରେ ରହିଛି । ଅଳ୍ପ କିଛି ସମ୍ପତ୍ତି ବୈଦ୍ଧିକ ସଂପଦ ଓ ପ୍ୟାଟେଣ୍ଟ୍ ଭାବେ ରହିଛି ।
ତେବେ ମ୍ୟାକକିନସେ ନିଜ ରିପୋର୍ଟରେ ସତର୍କ କରାଇଦେଇଛି ଯେ ବିଶ୍ୱରେ ଯେଉଁ ଦ୍ରୁତ ପରିମାଣରେ ସଂପତ୍ତି ବୃଦ୍ଧି ପାଇଛି ତାହା ବିଶ୍ୱର ଜିଡିପି ସହିତ ତାଳ ଖାଉନାହିଁ । ଏଣୁ ଫୁଲିଚାଲିଥିବା ଏହି ସଂପତ୍ତି ତିଷ୍ଠି ପାରିବ ନାହିଁ ।
_1635485652.jfif)
_1635485369.jfif)
_1635256142.jfif)
_1634971708.jfif)
_1634462095.jfif)
_1634455632.jfif)
_1634279394.jfif)
_1634118145.jfif)