Top Stories
Search here...
News
ସବୁଠି ମିଳିବ କୋରାପୁଟ କଫି; ବିକ୍ରି ପାଇଁ ସହମତି ପ୍ରକାଶ କଲା ‘ଟାଟା କଫି’
Posted On - 1 day ago
କୋରାପୁଟରେ କଫି ଚାଷକୁ ବ୍ୟାପକ ଓ ସମୃଦ୍ଧ କରିବାରେ କଫି ଚାଷୀଙ୍କ ଅବଦାନକୁ ସମ୍ମାନ ଜଣାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କସମପଦର ଗାଁର ସୁଲୋଚନା ଖରଙ୍କ ଉଚ୍ଚ ପ୍ରଶଂସା କରିଛନ୍ତି ।
BBSR Reporters
ଭୁବନେଶ୍ୱର: ଓଡ଼ିଶାର କୋରାପୁଟ୍ କଫିର ସ୍ୱାଦ ନିଆରା । କିନ୍ତୁ ଏହାର ସଠିକ୍ ବ୍ରାଣ୍ଡିଂ ହୋଇ ନପାରିବାରୁ ତାହା ବିକ୍ରି କରିବା ପାଇଁ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ଏଣିକି କୋରାପୁଟ କଫିର ବିକ୍ରି ପାଇଁ ଆଉ ଅସୁବିଧାର ସାମ୍ନା କରିବାକୁ ପଡିବନି । ସାରା ଦେଶ ଏବଂ ବିଦେଶର ମଧ୍ୟ ମିଳିବ କୋରାପୁଟ କଫି । ରାଜ୍ୟର କଫି ଚାଷୀଙ୍କ ଉନ୍ନତି ଓ ସମୃଦ୍ଧି ପାଇଁ ଟିଡିସିସିଓଏଲର ପ୍ରୟାସରେ ‘କୋରାପୁଟ କଫି’ର ବିକ୍ରି ପାଇଁ ‘ଟାଟା କଫି’ ସହମତି ପ୍ରକାଶ କରିଛି ।
କୋରାପୁଟ କଫିର ସ୍ୱତନ୍ତ୍ରତା ବଜାୟୀ ରଖିବା ଉପରେ ଗୁରୁତ୍ୱ ଦେଇ ‘ଟାଟା କଫି’ ପ୍ରଥମ ଥର ପାଇଁ ଓଡ଼ିଶାରୁ କଫି କ୍ରୟ କରିବାକୁ ଯାଉଛି । ଓଡ଼ିଶାରୁ କଫି କ୍ରୟ କରି ଟାଟା କଫି ନାଁରେ ସେଗୁଡିକୁ ବଜାରକୁ ଛଡାଯିବ । ଫଳରେ ଅଧିକରୁ ଅଧିକ ଲୋକ ଏହି କଫି ପାଇପାରିବେ ଏବଂ କୋରାପୁଟ କଫିର ଚାହିଦା ମଧ୍ୟ ବୃଦ୍ଧି ପାଇବ ବୋଲି କୁହାଯାଉଛି ।
ଏପରି ସ୍ଥଳେ କୋରାପୁଟରେ କଫି ଚାଷକୁ ବ୍ୟାପକ ଓ ସମୃଦ୍ଧ କରିବାରେ କଫି ଚାଷୀଙ୍କ ଅବଦାନକୁ ସମ୍ମାନ ଜଣାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କସମପଦର ଗାଁର ସୁଲୋଚନା ଖରଙ୍କ ଉଚ୍ଚ ପ୍ରଶଂସା କରିଛନ୍ତି । ମୁଖ୍ୟମନ୍ତ୍ରୀ କହିଛନ୍ତି, ଟିଡିସିସିଓଏଲକୁ ୨୦୦ କେଜିରୁ ଊର୍ଦ୍ଧ୍ୱ କଫି ଫଳ ବିକ୍ରି କରି ସୁଲୋଚନା ଖର ସଫଳ କଫି ଚାଷୀ ଭାବେ ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ସାଜିଛନ୍ତି । ‘କୋରାପୁଟ କଫି’ର ଚାହିଦା ପୂରଣରେ ତାଙ୍କ ପରି ଚାଷୀଙ୍କ ନିଷ୍ଠା ଓ ପ୍ରତିବଦ୍ଧତା ଅତ୍ୟନ୍ତ ପ୍ରଶଂସନୀୟ ।
_1628173147.jpg)
_1628077953.jpg)
_1627279664.jpg)
_1626345381.jpg)