Top Stories
Search here...
News
ଆକ୍ସନ ମୁଡରେ ଭଗୱନ୍ତ ମନ; ସରକାରକୁ ଆସିବା ପରେ ବାହାରିଲାଣି ୬୦ ହଜାର ସରକାରୀ ଚାକିରି
Posted On - 4 days ago
୩୫ ହଜାର ଅସ୍ଥାୟୀ କର୍ମଚାରୀଙ୍କୁ ସ୍ଥାୟୀ ଚାକିରି ଦେବେ ବୋଲି ଆଜି ପୁଣି ଘୋଷଣା କରିଛନ୍ତି ପଞ୍ଜାବ ସରକାର ।
BBSR Reporters
ଚଣ୍ଡିଗଡ଼: ଆକ୍ସନ ମୁଡରେ ପଞ୍ଜାବର ଆପ୍ ସରକାର । କ୍ଷମତାକୁ ଆସିବା ମାତ୍ରେ ଗୋଟିଏ ପରେ ଗୋଟିଏ ବଡ଼ ପଦକ୍ଷେପ ନେବାରେ ଲାଗିଛନ୍ତି ପଞ୍ଜାବର ନୂଆ ମୁଖ୍ୟମନ୍ତ୍ରୀ ଭଗୱନ୍ତ ମନ । ଆଜି ବିଭିନ୍ନ ସରକାରୀ ବିଭାଗରେ କାମ କରୁଥିବା ପ୍ରାୟ ୩୫ ହଜାର ଠିକା କର୍ମଚାରୀଙ୍କୁ ସ୍ଥାୟୀ ନିଯୁକ୍ତି ମିଳିବ ବୋଲି ସେ କହିଛନ୍ତି । ଗ୍ରୁପ ସି’ ଓ ଗ୍ରୁପ ଡି’ର ଠିକା କର୍ମଚାରୀଙ୍କୁ ସ୍ଥାୟୀ ନିଯୁକ୍ତି ପ୍ରଦାନ କରାଯିବ । ଆପ୍ ସରକାରଙ୍କୁ ଆସିବା ପରେ ଏହାକୁ ମିଶାଇ ମୋଟ ୬୦ ହଜାର ସରକାରୀ ଚାକିରି ପାଇଁ ଘୋଷଣା କରାଯାଇଛି ।
୩୫ ହଜାର ସରକାରୀ ଚାକିରି ସରକାରୀ ବିଭାଗର ଗ୍ରୁପ ସି’ ଠିକା କର୍ମଚାରୀମାନେ ସାଧାରଣତଃ କ୍ଲରିକାଲ କାର୍ଯ୍ୟ କରନ୍ତି । ସେହିପରି ଗ୍ରୁପ୍ ଡି’ କର୍ମଚାରୀମାନେ ରକ୍ଷାଣବେକ୍ଷାଣ ଓ ଶ୍ରମିକ ଭାବେ ଦାୟିତ୍ୱ ସମ୍ପାଦନ କରନ୍ତି । ସେମାନଙ୍କୁ ଏବେ ପଞ୍ଜାବର ଆପ୍ ସରକାର ସ୍ଥାୟୀ ସରକାରୀ ଚାକିରିଆର ମାନ୍ୟତା ଦେବେ । ଏଥିପାଇଁ ପଞ୍ଜାବ ମୁଖ୍ୟମନ୍ତ୍ରୀ ମାନ ରାଜ୍ୟ ମୁଖ୍ୟ ଶାସନ ସଚିବଙ୍କୁ ଏସଂକ୍ରାନ୍ତରେ ଗୋଟିଏ ଚିଠା ପ୍ରସ୍ତାବ ପ୍ରସ୍ତୁତ କରିବାକୁ କହିଛନ୍ତି । ଏହାକୁ ପଞ୍ଜାବର ବିଧାନସଭା ଅଧିବେଶନ ବେଳେ ଗୃହରେ ଉପସ୍ଥାପନ କରାଯିବ ।
ଗତ ସପ୍ତାହରେ ମାନ ତାଙ୍କ ପ୍ରଥମ କ୍ୟାବିନେଟ ବୈଠକରେ ୨୫ ହଜାର ସରକାରୀ ଚାକିରି ସୁଯୋଗ ସୃଷ୍ଟି କରିବା ପ୍ରସ୍ତାବ ଉପରେ ମୋହର ମାରିଥିଲେ । ଏହା ମଧ୍ୟରୁ କେବଳ ୧୦ ହଜାର ନିଯୁକ୍ତି ପୁଲିସ୍ ବିଭାଗରେ ସୃଷ୍ଟି ହେବ । ସୂଚନାଯୋଗ୍ୟ, ନିକଟରେ ଶେଷ ହୋଇଥିବା ପଞ୍ଜାବ ବିଧାନସଭା ନିର୍ବାଚନରେ ଆପ୍ ୯୨ଟି ଆସନ ଜିତି ସରକାର ଗଠନ କରିଛି ।
_1646409290.jpg)
_1646407343.jpg)
_1646228707.jpg)
