Top Stories
Search here...
News
ଭାଇକୁ ହାଣିଲା ଭାଇ; ଖଣ୍ଡାରେ ହାଣିବା ପରେ ଫେସବୁକରେ ପୋଷ୍ଟ କରି ପଚାରିଲା ଖୁସୀ ଅଛି କି ନାହିଁ
Posted On - 11 hours ago
ଅଭିଯୁକ୍ତ ରାକେଶ ବେହେରା ଖଣ୍ଡାରେ ହାଣି ସାରିବା ପରେ ଗେଟ ବାହାରକୁ ଘୋଷାଡି ନେଇ ସଙ୍ଘବଦ୍ଧ ଭାବରେ ଆକ୍ରମଣର ଫୁଟେଜ ସାମ୍ନାକୁ ଆସିଛି ।
BBSR Reporters
ଭୁବନେଶ୍ୱର: ଭାଇକୁ ହାଣିଲା ଭାଇ । ଖଣ୍ଡାରେ ହାଣିଲା, ହାଣିଲା ପରେ ଖୁସି ଅଛ କି ନାହିଁ ବୋଲି ଫେସବୁକରେ ପୋଷ୍ଟ କରି ପଚାରିଲା । ଭୁବନେଶ୍ୱର ଏୟାରଫିଲ୍ଡ ଥାନା ଅଧିନ ବୋତଣ୍ଡା ଅଂଚଳର ପ୍ରକାଶ ବେହେରାଙ୍କୁ ତାଙ୍କ ସାନ ଭାଇ ରାକେଶ ବେହେରା ଖଣ୍ଡାରେ ହାଣି ଲହୁ ଲୁହାଣ କରିଥିବା ଅଭିଯୋଗ ହୋଇଛି । ସାମାନ୍ୟ କଳହକୁ କେନ୍ଦ୍ର କରି ବଡ ଭାଇକୁ ସାନ ଭାଇ ଖଣ୍ଡାରେ ଆକ୍ରମଣ କରିଥିବା ନେଇ ଏୟାରଫିଲ୍ଡ ଥାନାରେ ଅଭିଯୋଗ ହୋଇଛି ।
ଅଭିଯୁକ୍ତ ରାକେଶ ବେହେରା ଖଣ୍ଡାରେ ହାଣି ସାରିବା ପରେ ଗେଟ ବାହାରକୁ ଘୋଷାଡି ନେଇ ସଙ୍ଘବଦ୍ଧ ଭାବରେ ଆକ୍ରମଣର ଫୁଟେଜ ସାମ୍ନାକୁ ଆସିଛି । ଏପରିକି ହାଣି ସାରିବା ପରେ ଅଭିଯୁକ୍ତ ଜଣକ ଫିଲ୍ମ ଷ୍ଟାଇଲରେ ସୋସିଆଲ ମିଡିଆରେ ଏକ ଫଟୋ ସେୟାର କରି ‘ପକ୍କା ଖୁସି ତ’ ବୋଲି ଲେଖି ପୋଷ୍ଟ କରିଛି ।
ଅଭିଯୁକ୍ତର ଆକ୍ରମଣ ପରେ ଆହତ ହୋଇଥିବା ଏବଂ କୋଭିଡରେ ଆକ୍ରାନ୍ତ ଥିବା ପ୍ରକାଶ ବେହେରା ଓ ତାଙ୍କ ସ୍ତ୍ରୀଙ୍କୁ ଏମ୍ସରେ ଭର୍ତି କରାଯାଇଛି । ଏହାସହ ରାକେଶ ବେହେରା ଓରଫ ରାକା ନାଁରେ ଥାନାରେ ଅଭିଯୋଗ ହୋଇଛି । ଘଟଣା ୩୦ତାରିଖ ଦିନ ଘଟିଥିବା ବେଳେ ଘଟଣାର ସିସିଟିଭି ଫୁଟେଜ ନେଇ ପୋଲିସ ତଦନ୍ତ ଆରମ୍ଭ କରିଛି । ସେପଟେ ମୁଖ୍ୟ ଅଭିଯୁକ୍ତ ଏବେବି ଫେରାର ଅଛି ।
_1643430118.jpg)
_1642429562.jpg)
_1642173142.jpg)