Top Stories
Search here...
News
ପାରାଦୀପରେ ହାଜତ ମୃତୁ୍ୟ !
Posted On - 7 minutes ago
Edited By Team BbsrReporters
LAST UPDATED
May 02, 2022 11:52 AM
ପାରାଦୀପରେ ହାଜତ ମୃତୁ୍ୟ ଅଭିଯୋଗ ।
BBSR Reporters
ପାରାଦୀପ ବୃନ୍ଦାବନ କଲୋନୀର ଜଣେ ଯୁବକଙ୍କ ସନେ୍ଦହ ଜନକ ମୃତ୍ୟୁ ହୋଇଛି । ପୋଲିସ ବାଡେଇ ବାଡେଇ ମାରିଦେଇଥିବା ନେଇ ଅଭିଯୋଗ କରିଛନ୍ତି ପରିବାର ଲୋକ । ପାରାଦୀପ ଅଭୟଚାନ୍ଦପୁର ପୋଲିସ ବ୍ରାଉନସୁଗାର ବେପାରୀ ଆସୁଥିବା ନେଇ ଖବର ପାଇବା ପରେ ରଙ୍ଗିଆଗଡ ପୋଲ ନିକଟରେ ଜଗି ରହିଥିଲା । ଏହି ସମୟରେ ଦୁଇ ଜଣ ଯୁବକ ବାଇକରେ ଦ୍ରୁତ ଗତିରେ ଯାଉଥିବା ଦେଖି ପୋଲିସ ଗାଡିଟିକୁ ଅଟକାଇଥିଲା । ବାଇକ ଚଳାଉଥିବା ୨ ଯୁବକଙ୍କ ପାଖରୁ ୧୧ ଗ୍ରାମରୁ ଅଧିକ ବ୍ରାଉନ ସୁଗାର ଜବତ କରିଥିଲା । ତେବେ ବାଇକ ପଛରେ ବସିଥିବା ଯୁବକ ମନୋରଂଜନ ଖୁବ ଜୋରରେ ଦୌଡ଼ିବାକୁ ଆରମ୍ଭ କଲେ । ପୋଲିସ ତାଙ୍କ ପିଛା କରୁଥିବା ସମୟରେ ପୋଲ ନିକଟରେ ଥିବା ଏକ ଲୁହା ପ୍ଲେଟରେ ବାଡେଇ ହୋଇ ମନୋରଂଜନ ସଂଜ୍ଞାହୀନ ହୋଇ ତଳେ ପଡିଯାଇଥିଲେ । ପୋଲିସ ମନୋରଂଜନକୁ ଉଦ୍ଧାର କରି ପ୍ରଥମେ ଅଠରବାଙ୍କି ଓ ପରେ ଜଗତସିଂହପୁର ମେଡିକାଲ ନେଇଥିଲା । ଜଗତସିଂହପୁର ମେଡିକାଲରେ ଡାକ୍ତର ମନୋରଂଜନକୁ ମୃତ ଘୋଷଣା କରିଥିଲେ । ହେଲେ ପୋଲିସର ଏଭଳି କାହାଣୀରେ ସନ୍ତୁଷ୍ଟ ହୋଇନାହାନ୍ତି ମନୋରଂଜନଙ୍କ ପରିବାର ଲୋକ । ପୋଲିସ ବାଡେଇ ବାଡେ଼ଇ ତାଙ୍କୁ ମାରି ଦେଇଥିବା ଅଭିଯୋଗ କରିଛନ୍ତି । ସୂଚନା ଅନୁସାରେ ଅଭୟଚାନ୍ଦପୁର ଥାନା ଆଇଆଇସି ଜୀବନାନନ୍ଦ ଜେନାଙ୍କ କାର୍ଯ୍ୟକଳାପ ପୂର୍ବରୁ ମଧ୍ୟ ସନେ୍ଦହପୂର୍ଣ୍ଣ ରହି ଆସିଛି । ପୁରୀ ବାସେଳୀ ସାହିରେ ଆଇଆଇସି ଥିବା ବେଳେ ତାଙ୍କ ବିରୋଧରେ ହାଜତମୃତୁ୍ୟ ଅଭିଯୋଗ ଆସିଥିଲା ।
_1649775703.jpg)
_1649510370.jpg)
_1649258187.jpg)
