Top Stories
Search here...
News
ମୋ ବୋଉ
Posted On - 4 minutes ago
ସେଦିନର ସେ ଆଠମାସର ଯନ୍ତ୍ରଣା
ଆଉ ମୋ କୁଆଁ କୁଆଁ କାନ୍ଦ
ଯେମିତି ତୋର ସବୁ କଷ୍ଟକୁ
ପାସୋରି ଦେଇଥିଲା !
ତୋର ଲୋତକଭରା ଆଖିରେ ହଠାତ
ଦେଢ଼ହାତ ଲମ୍ବ ହସର ବନ୍ୟା
ସବୁ ନଦୀକୁ ଶାନ୍ତ କରି ଦେଇଥିଲା !
ଗ୍ରୀଷ୍ମର ତାତିଖରା ଆଉ
ହାଡ ଭଙ୍ଗା ଶୀତକୁ
ତୋର ସେ ସୁନୀଳ
ପଣତକାନି ମୋ ପାଇଁ
କେତେଥର ରକ୍ଷାକବଚ ପାଲଟିଛି
କଳ୍ପନା ବାହାରେ !
ମୋର ପରୀକ୍ଷା ପାଇଁ ତୋର ସେ
ତ୍ୟାଗଭରା କଷ୍ଟ ଜର୍ଜରିତ ଉପାସ
ଜ୍ୟାମିତିର ଦୈଘ୍ୟ ଓ ପ୍ରସ୍ଥ ସାମ୍ନାରେ
ହାର ମାନୁଥିଲା !
ପୂର୍ବଦିଗରେ ସୂର୍ଯ୍ୟଦୟ ସହ
ସ୍କୁଲ ଯିବାପାଇଁ ତୋର ସେ ସ୍ନେହୀ ଡାକ
ବସନ୍ତରେ ବି ଇନ୍ଦ୍ରଧନୁ ପରି ଲାଗୁଥିଲା !
ଆଜି ମୁଁ ବୟସରେ ବଡ଼ ହୋଇଛି ସତ
କିନ୍ତୁ ତୋର ସେ ତ୍ୟାଗ, ପ୍ରେମ
ଓ ସ୍ନେହ ଆଗରେ
ପିଲାଦିନର ସେଇ
କଢିଟିଏ ହୋଇ ରହିଛି !
ତୋ ଋଣ ସୁଝିପାରିବିନି ଏକଥା ଜାଣିଛି
ଦୂରେ ଥାଇ ମଧ୍ୟ ତତେ ମୁଁ ଝୁରୁଛି
ଆଲୁଅ-ଅନ୍ଧାରରେ ତତେ ମୁଁ ଖୋଜୁଛି !
ତୁହିଁ ମୋର ଏକମାତ୍ର ସାହା
ଆଉ ତୋ ମଥାଛୁଇଁ ଶପଥ କରୁଛି
ଦିନେ ରଖିବି ତୋରି ନାଁ !
ସତ୍ୟରଞ୍ଜନ ଦାସ
ରତଳାଙ୍ଗ,ବୈଷ୍ଣବମଠ
ଯାଜପୁର, ଓଡିଶା
_1620630245.jfif)
_1617974333.jfif)