Top Stories
Search here...
News
ବିଜେପି ପ୍ରାର୍ଥୀଙ୍କ ନୋମିନି ବିଜେଡି: ଦ୍ରୌପଦୀ ମୁର୍ମୁ ନାମାଙ୍କନ ପତ୍ର ଭରିଲେ ଦୁଇ କ୍ୟାବିନେଟ୍ ମନ୍ତ୍ରୀ
Posted On - 6 days ago
ଉଭୟ ବିଜେପି ଓ ବିଜେଡି ରାଷ୍ଟ୍ରପତି ରେସ୍ରେ ସାମିଲ ହୋଇଥିବା ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବେ ବୋଲି ଖୋଲାଖୋଲି କହି ସାରିଥିବା ବେଳେ କଂଗ୍ରେସ ବିରୋଧୀ ପ୍ରାର୍ଥୀ ଯଶୱନ ସିହ୍ନାଙ୍କୁ ଭୋଟ ଦେବ ବୋଲି ନିଷ୍ପତି ନେଇଛି ।
BBSR Reporters
ଭୁବନେଶ୍ୱର: ଆସନ୍ତାକାଲି ନାମାଙ୍କନ ଦାଖଲ କରିବେ ଦ୍ରୌପଦୀ ମୁର୍ମୁ । ଏହି ସମୟରେ ବିଜେଡିର ୨ କ୍ୟାବିନେଟ ମନ୍ତ୍ରୀ ଉପସ୍ଥିତ ରହିବେ । ବିଜେଡି ତରଫରୁ ମନ୍ତ୍ରୀ ଜଗନ୍ନାଥ ସାରକା ଓ ମନ୍ତ୍ରୀ ଟୁକୁନି ସାହୁ ଆସନ୍ତାକାଲି ଦ୍ରୌପଦୀ ମୁର୍ମୁଙ୍କ ନାମାଙ୍କନ ଦାଖଲ ବେଳେ ଉପସ୍ଥିତ ରହିବେ ବୋଲି ଟ୍ୱିଟ କରି ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଆଜି ଉଭୟ ମନ୍ତ୍ରୀ ନୂଆଦିଲ୍ଲୀ ଗସ୍ତ କରିଛନ୍ତି । ସେମାନେ ଆଜି ନାମାଙ୍କନ ପତ୍ରରେ ସ୍ୱାକ୍ଷର କରିବା ସହ ଆସନ୍ତାକାଲି ଦିଲ୍ଲୀରେ ଉପସ୍ଥିତ ରହିବେ । ଏ ସମ୍ପର୍କରେ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ତାଙ୍କ ସହ କଥା ହୋଇଥିବା ନବୀନ ଟୁଇଟ କରି କହିଛନ୍ତି ।
ଆସନ୍ତାକାଲି ଦ୍ରୌପଦୀ ମୁର୍ମୁ ନାମାଙ୍କନ ଦାଖଲ ବେଳେ ଓଡ଼ିଶା ବିଜେପିର ୧୦ ଜଣ ପ୍ରତିନିଧି ଯୋଗ ଦେବେ । ଜଗନ୍ନାଥ ମିଶ୍ର, ମୋହନ ମାଝି ପ୍ରମୁଖଙ୍କ ସମେତ ବିଜେପିର ଏକ ୧୦ ଜଣିଆ ଟିମ୍ ଆଜି ଦିଲ୍ଲୀ ଯିବେ । ଉଭୟ ବିଜେପି ଓ ବିଜେଡି ରାଷ୍ଟ୍ରପତି ରେସ୍ରେ ସାମିଲ ହୋଇଥିବା ଏନଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ କରିବେ ବୋଲି ଖୋଲାଖୋଲି କହି ସାରିଥିବା ବେଳେ କଂଗ୍ରେସ ବିରୋଧୀ ପ୍ରାର୍ଥୀ ଯଶୱନ ସିହ୍ନାଙ୍କୁ ଭୋଟ ଦେବ ବୋଲି ନିଷ୍ପତି ନେଇଛି । ଯଦିଓ ଏହା କଂଗ୍ରେସ ବିଧାୟକଙ୍କ ବ୍ୟକ୍ତିଗତ ନିଷ୍ପତି ହୋଇନପାରେ କିନ୍ତୁ ଦଳ ଚାପରେ ଏଭଳି ନିଷ୍ପତି ନେଇଥିବା କୁହାଯାଉଛି ।
ସୂଚନାଯୋଗ୍ୟ, ଏନ୍ଡିଏର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତକାଲି ଟ୍ୱିଟ୍ କରି ଅପିଲ କରିଥିଲେ । ଦଳମତ ନିର୍ବିଶେଷରେ ସମସ୍ତ ବିଧାୟକ ସର୍ବସମ୍ମତି କ୍ରମେ ଶ୍ରୀମତୀ ମୁର୍ମୁଙ୍କୁ ସମର୍ଥନ କରିବାକୁ ସେ କହିଛନ୍ତି । ଏଥିସହ ଓଡ଼ିଶାର ଝିଅ ଦ୍ରୌପଦୀ ମୁର୍ମୁଙ୍କୁ ଦେଶର ସର୍ବୋଚ୍ଚ ପଦବୀ ପାଇଁ ସମର୍ଥନ କରିବାକୁ ଅପିଲ କରିଛନ୍ତି ମୁଖ୍ୟମନ୍ତ୍ରୀ ।