Top Stories
Search here...
News
ସେୟାର ବଜାରରେ ହ୍ରାସ; ଦିନକରେ ୯ ଲକ୍ଷ ୧୫ ହଜାର କୋଟିର କ୍ଷତି
Posted On - 5 months ago
ବିଶେଷଜ୍ଞଙ୍କ ମତରେ ବଢିଚାଲିଥିବା ତେଲ ଦର, କରୋନା ମହାମାରୀ, ନୂଆ ଓମିକ୍ରନ ପ୍ରଜାତି ଚିହ୍ନଟ ହେବା ତଥା ଆଗାମୀ ବଜେଟକୁ ନେଇ ଆଶଙ୍କା ମଧ୍ୟରେ ଷ୍ଟକ ବଜାରରେ ଏହି ହ୍ରାସ ଦେଖାଦେଇଛି ।
BBSR Reporters
ମୁମ୍ବାଇ: ଭାରତୀୟ ଷ୍ଟକ ବଜାର ସୋମବାର ନିମ୍ନଗାମୀ ହୋଇଛି । ଉଭୟ ସେନସେକ୍ସ ଓ ନିଫଟିରେ ପ୍ରବଳ ହ୍ରାସ ହେବାରୁ ନିବେଶକମାନେ ଅତିକମରେ ୯ ଲକ୍ଷ ୧୫ ହଜାର କୋଟି ଟଙ୍କାର କ୍ଷତି ସହିଥିବା ଅନୁମାନ କରାଯାଉଛି । ବମ୍ବେ ଷ୍ଟକ ଏକ୍ସେଚେଞ୍ଜର ସୂଚକାଙ୍କ ସେନସେକ୍ସ ଆଜି ୧୮୧ ପଏଣ୍ଟ ହ୍ରାସ ସହ ଆରମ୍ଭ ହୋଇଥିଲା । ଦିନ ମଧ୍ୟରେ ଏହା ପ୍ରାୟ ୨ ହଜାର ପଏଣ୍ଟ ହ୍ରାସ ପାଇଥିଲା । ପରେ ସ୍ଥିତିରେ ଟିକିଏ ସୁଧାର ଆସିବାରୁ ସେନସେକ୍ସ ନିଜର କ୍ଷତିକୁ କିଛିଟା ଭରଣା କରିଥିଲା । ଶେଷରେ ୧୫୪୫.୬୭ ପଏଣ୍ଟ ହ୍ରାସ ସହ ୫୭,୪୯୧.୫୧ ପଏଣ୍ଟ ସହ ବନ୍ଦ ହୋଇଥିଲା ।
ଅନ୍ୟପକ୍ଷରେ ଆଜି ନ୍ୟାସନାଲ ଷ୍ଟକ ଏକ୍ସଚେଞ୍ଜର ସୂଚକାଙ୍କ ନିଫଟୀ ୬୧ ପଏଣ୍ଟ ହ୍ରାସ ସହ ଖୋଲିଥିଲା । ପରେ ଏହି ହ୍ରାସ ମାତ୍ରା ବଢିଚାଲିଥିଲା । ଦିନ ମଧ୍ୟରେ ନିଫଟୀ ସର୍ବାଧିକ ୫୦୦ ପଏଣ୍ଟ ହ୍ରାସ ପାଇଥିଲା । ବନ୍ଦ ହେବା ବେଳକୁ ନିଫଟୀ ନିଜର କ୍ଷତିକୁ କିଛିଟା ଭରଣା କରିବା ସହ ୪୬୮ ପଏଣ୍ଟ ହ୍ରାସ ପାଇ ୧୭୧୪୯ ପଏଣ୍ଟରେ ବନ୍ଦ ହୋଇଥିଲା ।
ବିଶେଷଜ୍ଞଙ୍କ ମତରେ ବଢିଚାଲିଥିବା ତେଲ ଦର, କରୋନା ମହାମାରୀ, ନୂଆ ଓମିକ୍ରନ ପ୍ରଜାତି ଚିହ୍ନଟ ହେବା ତଥା ଆଗାମୀ ବଜେଟକୁ ନେଇ ଆଶଙ୍କା ମଧ୍ୟରେ ଷ୍ଟକ ବଜାରରେ ଏହି ହ୍ରାସ ଦେଖାଦେଇଛି । ସେହିପରି ଅନ୍ତର୍ଜାତୀୟ ବଜାରରେ ଦେଖାଦେଇଥିବା ହ୍ରାସର ପ୍ରଭାବ ଷ୍ଟକ ବଜାର ଉପରେ ପଡ଼ିଛି ।
_1653837825.webp)
_1652453212.jpg)
_1651156876.jpg)
_1651075000.jpg)
_1648738260.jpg)
_1648566184.jpg)
_1648133949.webp)
_1646407343.jpg)
_1646319872.jpg)
